|
Банковские сделки
|
|
БАНК БҮТҮМДӨРҮ – банктар менен башка кредиттик уюмдар тарабынан жүргүзүлүүчү (банк аткарымдары менен катар) бүтүмдөр. Кредиттик уюмдар атайын укукка ээ болгондуктан, бул тизмеге мыйзам тарабынан чек коюлган. КР банк мыйзамдарына ылайык, банктар төмөндөгүдөй бүтүмдөрдү жүргүзүүгө акылуу: а) кепилдик таризиндеги ж. б. милдеттенмелерди аткарууну көздөгөн үчүнчү жакка кепилдик берүү; б) акча таризиндеги милдеттенмелерди аткаруу боюнча үчүнчү жакка талап кылуу укугун алуу; в) мыйзамга ылайык мындай ишмердүүлүккө бар болсо, кардардын тапшырмасы боюнча жана кардардын нускамасы боюнча аракет кылуу менен, баалуу кагаздарды сатуу жана сатып алууну камтып турган далдалчылык кызматты жүргүзөт; г) мыйзамда каралгандай лицензиясы бар болсо, жеке жана юридикалык жактар менен түзүлгөн келишим боюнча мүлктү ишеним аркылуу башкаруу (траст ); д) жеке жана юридикалык жактарга имараттарды же документтер менен аргандай баалуулуктарды сактоо үчүн анда жайгашкан сейфтерди ижарага берүү; е) банк алдындагы милдеттенмелерин жоюу үчүн күрөөгө коюлган күрөөгө коюучулардын мүлкүн алуу жана аны сатуу (бул аткарымдар соода-сатыкка жатпайт); ж) мыйзамга ылайык улуксат (лицензия ) алган болсо, өз атынан баалуу кагаздарды чыгаруу; з) банк ишмердүүлүгү, банкты башкаруу боюнча кызмат көрсөтүү менен байланышкан кеп-кеңеш берүү жана маалымат менен жабдуу кызматтарын көрсөтүү.
|
Мобильный режим
=